複制上屆決賽之戰:Destroyer VS Cannon

8月2日,四強之戰。

係依一日,各個組別既比賽入面,勝方將會擠身8月3日的決賽。

DSC_4017DSC_4018DSC_4020DSC_4023DSC_4026DSC_4027DSC_4032DSC_4038DSC_4040DSC_4043

U19方面,一如外界所預測,四強賽既四個席位皆由坐擁強大內線球員既四個球隊佔有。兩場四強賽分別以狀元易漢暉領軍既Destroyer對由榜眼梁兆華領軍既Cannon,及探花吳俊欣領軍既Tank對由智者何俊杰所帶領既Missile。

兩場比賽都可謂最強對最強,而依兩場比賽入面,就以Destroyer對Cannon尤為觸目。皆因,依場比賽彷如上屆決賽。上屆既分組賽及決賽,梁兆華領軍既猛虎皆敗於易漢暉領軍既獵豹之下。要一嚐完勝兩屆狀元同上屆兩輪比賽既MVP,梁兆華今場就絕對唔可以再手軟腳軟。

DSC_4044DSC_4050DSC_4051DSC_4054DSC_4057DSC_4060DSC_4062DSC_4065DSC_4075DSC_4090

比賽一開始,Cannon已經用3分波同搏得foul in黎為己隊對Destroyer下馬威。而易佬亦靠住內線威力,為己隊拉近與Cannon既差距。但係係Cannon既吳松峻同張堯成同時發力之下,Destroyer只能以32:43完上半場,落後Cannon 11分。下半場開始時,Destroyer既吳嘉軒同林家滿雙劍合璧同時發力追分,第三節完時,Destroyer將比分收窄為6分。可惜於第四節一開始時,Destroyer既球員因為急於追分過於緊張,所以接連出現Turnover,即使嘉軒同易佬繼續以中距離投射及籃底接連得分,依然未能為球隊追平。結果,Cannon以71:61勝Destroyer,取得8月3日決賽既其中一席位。

DSC_4096DSC_4097DSC_4107DSC_4112DSC_4123DSC_4128DSC_4134DSC_4136DSC_4144DSC_4155

完場鐘聲響起,Destroyer同Cannon球員既即時反應,天地之別。Destroyer寂靜既氣氛,我一世都記得。入到更衣室後,球員都忍唔住流下男兒淚。隊中有幾位球員都係首次或者最後一次打U19,球隊係今場比賽,竟然以輸比自己作為今年聯賽既句號,試問會有邊一個球員唔沮喪唔傷心呢?

當明sir同熹sir為Destroyer完成最後一次debriefing後,明sir亦同我細心講解今場比賽既缺失以及明sir留比十個destroyer既一番話。明sir指出,今場比賽己隊既防守未能成功限制對隊既得分重點梁兆華同張堯成,再加上今場比賽己隊既把握力比起前幾場比賽都有所下降,而當Destroyer追到去最關鍵既六分波時,因為球員接連出現turnover,令到球隊喪失左追分返上黎既士氣同氣勢。另外,明sir指出今場比賽Cannon採用賭博防守,以四釘一聯既方式放任Destroyer既第五個球員進攻。但偏偏第五個球員就係全場一路都唔敢自己進攻既阿誠,結果Cannon既賭博防守奏效,令到Destroyer既得分率係今場大降。

DSC_4164DSC_4167DSC_4170DSC_4176DSC_4188DSC_4194DSC_4222DSC_4228DSC_4230DSC_4237

明sir直認其實今場比場輸波令佢同隊員們都非常失望(我相信都有唔少球迷觀眾對賽果失望或跌破眼鏡),尤其明sir教league幾年黎都一直與總決賽既席位擦身而過。明sir指出輸波一定會唔開心,但亦希望Destroyer唔好因為今場輸波而對自己失望。始終依個聯賽只係球員們生涯中既其中一個踏腳石,亦希望自己可以帶到比球員佢地自己所欠缺既元素。最後,明sir亦為十個Destroyer以及助教熹sir留下最後既金石良言。

DSC_4243DSC_4250DSC_4252DSC_4255DSC_4259DSC_4265DSC_4298DSC_4309DSC_4312

給易佬:係依個球圈入面,讀書好似你咁叻既球員,少之有少。我希望你可以放多d心機落讀書放面,到將來可以成為一個年輕有為既好醫生。當你可以好好handle好讀書方面既時候,先再分時間係籃球既方面,因為現今既球壇都需要好似你咁高大而又強硬身形既球員。始終,係你依個年紀,讀書同前途真係非常重要,所以希望你可以好好發展自己既將來。

給嘉軒:你既中距離、鏟籃等都好穩定,但三分就未去到最好。而你既弱點就係當你鏟埋籃底既時候,會容易忽略周邊既隊友,變左好多時上唔到籃都會夾硬鏟上去,閱讀其他隊友既能力依然有好大既進步空間。另外就係你可以係交波比中鋒既技巧方面再下苦功,因為依一方面你仍有進步空間。

給華仔:你既三分真係好準,但你要明白,對手知道你既三分好準既同時,亦會搵人黎釘實你波都唔比你掂既時候。而你對於被人緊逼防守既處理能力尚有改善空間,因為當你被緊逼而你又唔知點走返個空位出黎時,你既移動就會變得少左,對對手既威脅亦大減。

給阿滿:你係一個好大既驚喜,而我比你既目標你全部都做到。但你對自己既信心依然係有d飄忽,尤其係打逆境波時,處理能力仍然未去到最好。另外,作為一個PG你要多d係場入面出聲,因為你要控制成個球隊既節奏同埋話比隊友知佢地應該要做d咩。此外,當對手既防守打聯防時,你既處理能力亦會較差,所以你亦應該係依方面加強返自己既攻擊力。

給阿川:你既身形比較的式,如果想打上高水平既比賽,你就一定要練好遠程既三分。因為以你既身形,只係控球,會好難打得上高水平賽事。另外,你控制球賽既節奏其實唔錯,只係爭少少侵略性,即係得分,所以真係要去苦練一下三分。

給阿誠:可以話你打得好,都可以話你打得唔好。你既防守其實唔錯,但係係進攻方面就欠缺信心,正正因為你欠缺進攻既決心,所以有時有d波你唔敢進攻就會變左turnover。所以你進攻既質素一定要再提高,究竟殺入去之後,你上定唔上、射定唔射,信心一定要有,而自己都一定要有個決心係到。

給阿陞:每一場比賽我都會比你first five係因為我地隊少左一個穩定既大前鋒,而你既身形、彈跳力同切入既速度令我覺得你可以嘗試打大前鋒依個位。但可能因為你岩岩係細仔升上黎U19,對於身體上既對抗性,仲未可以習慣到。所以你要再提升自己既對抗性同埋同對手硬碰既膽量。畢竟你人高手長,而且彈得鏟得,中距離亦交到貨,係一個有潛質既球員,但就必須再拎多d經驗同埋再加強個心理質素。

給阿輝:其實係咁多個隊友之中,無論技術定經驗你都差少少,但你有一個非常適合打籃球既身形。你之後要多d留意3,4號位既打法,同埋多d參與高水平既賽事以增加經驗,亦可以係之後多d參加訓練或其他既球隊練習等。

給司徒:由你練波到比賽,一直都對自己好無信心。即使前面無人防守,你都會大針然後垂頭喪氣。其實你係學界發揮得好好,射得鏟得。但可能因為你第一年打league,唔知自己應該做d咩,所以無乜信心。你係一個好射得既球員,但有時你諗得太多,變左自己個決心就會無咁堅決,所以都希望你以後可以多d打多水平既賽事,去拎返多d經驗加強返自己既信心同決心。

給肥書:你有一個好好既身形,雖然你既高度唔算特別高,但勝在夠橫,可以係內線佔一席位,但就一定要係下盤功夫方面加以練習,例如:探步、下盤根基等,從而提升自己既能力,為自己係高水平賽事既發揮做更好既準備。

給熹sir:其實我好多謝熹sir,因為你係背後做左好多暖和既功夫。除左會私底下whatapps班球員之外,你仲會為球員心理輔導同佢地傾計。熹sir所做既一切都令到十個Destroyer既溝通做得非常之好。同埋好多練波時既預備功夫熹sir都會搞掂晒,所以真係非常多謝熹sir咁幫得手咁為球隊。

DSC_4338DSC_4341DSC_4344DSC_4365DSC_4368DSC_4380DSC_4381DSC_4394DSC_4094

———————————————————————————————

Reporter Philo的寄語:

睇住你地輸,其實真係有d失望,畢竟唔止外界睇好Destroyer,我亦都對你地非常有信心。不過正如我以前講過「波係圓既,一日未打過都未知輸贏」,所以再強既球隊都少不免會係某d時候遇到滑鐵爐。雖然依次輸波令你地無緣決賽,但係我心入面你地已經係冠軍隊,個個都係MVP!真心的,非常欣賞你地十個Destroyer,因為你地唔單止為球隊而自動自覺地去加操訓練,仲會係場外同隊友keep contact加強溝通增進感情。雖然輸左,但我見到你地十個加埋兩位阿sir相處得好融洽好warm成個大家庭咁既時候,我只想講一句:I am so proud of you all!係依一刻,真係覺得輸贏已經唔再重要,依十幾個人之間既感情同默契先係最真摯既瑰寶。多謝你地比我睇到真正既團體籃球,今年全league入面應該得你地可以做到十個球員都可以係同一場各有得分。你地之間既默契同感情,我全部都見到,因為我就在其中。多謝十個Destroyer同明sir熹sir帶比我咁多場睇到我目不轉睛既好波同埋咁溫暖開心既回憶。多謝你地,唔好擔心我會唔記得你地,因為我會將你地咁多個放係心入面。希望你地無論過左幾耐,都仲會記得我依個喊包reporter啦haha^^

Destroyer, CHAMP!!!

1003503_10201106842346930_2100021262_n

U19 Tank Vs Missile

Missile以六分勝出 擠身總決賽

黎到 Nike League 2013 最後兩日,U19 亦都進入左準決賽既階段,
而今日其中一場就係 Tank Vs Missile,面對著之前從未輸過既 Tank,
Missile 到底點樣發揮出佢地既實力呢 ?

首節,藍衫既 Missile 先得分,更一黎就連續幾球,
4 號 麥瑋霖 先後投入兩球三分波,而 5 號 何朗恆 亦投入一球,
11 號 李卓然 同 何朗恆 亦以快攻得分,一度拉開差距至 15 : 2,Missile 無疑係佔上風,
但係 Tank 亦不敢鬆懈,
5 號 林卓賢 亦先後以快攻,剷籃得分,
13 號 吳俊欣取得籃底優勢,10 號 黃子謙 亦交出一個快攻,更以外圍投風得分,
第一節 Missile 以 23 : 14 領先 Tank 9 分。

第二節開端,Tank 再次得到籃底優勢,11 號 葉偉恒,10 號 黃子謙 各係籃底投射得分,
另一邊廂,Missile 13 號 何俊杰亦以中距遑投射,籃底投射得分,
5 號 何朗恆 亦再次外圍投射得分,係 Missile 拉開差距至 12 分之時,
Tank  黃子謙 ,林卓賢,劉偉聰 以一輪快攻,嘗試拉近差距,
但係尾段,Missile 6 號 謝正軒,5 號 何朗恆 兩人連續投入兩球三分,
再次將差距拉遠,Missile 以 44 : 30 領先。

去到第三節,Missile 4 號 麥瑋霖 先快攻,後中距離投射,再補籃得分,
雖然 Missile 攻勢強勁,但係 Tank 亦唔會就此罷休,
Tank 11 號 葉偉恒 先以中距離投射得分,其後,5 號 林卓賢 外圍投射得三分,
而 10 號 黃子謙更一度投入三分波後,再以快攻得分,
6 號 羅卓熙 亦係籃底投射及快攻 得分,Tank 將差距拉至 8 分,
依但 Missile 依然以 58 : 50 稍為領先。

最後一節,Tank 6 號 羅卓熙 偷波成功後,隨即以快攻得分,
係剩餘 7:06.00,Tank 要求一個暫停,Time Out 過後,
10 號 黃子謙 頻頻得分,以中距離投射,快攻,罰球,一次過攻入 6 分,
一度追和,比數 63 : 63。雖然,Tank 頻頻起手,
但係令 Missile 得到多次射罰球既機會,10 號 黃子謙 係最後數分鐘 射入一球三分,
但為時已晚,亦無法扭轉局勢,最後,Missile 以 6 分之差勝出,比數 76 :70,
Missile 成功擠身入 8月3 總決賽。

係是場比賽中,Tank 方面,10 號 黃子謙 攻入 21 分,4 個籃板,1 個助攻;
5 號 林卓賢 交出 18 分,10 個籃板;13 號 吳俊欣 攻入 13 分,7 個籃板,2 個助攻;
6 號 羅卓熙 則交出 10 分,3 個籃板,3 個助攻。11 號 葉偉恒 交出 4 分,7 個籃板,2 個助攻 ;

Missile 方面,11 號 李卓然 攻入 21 分,9 個籃板,2 個助攻;
5 號 何朗恆 則交出 19 分,2 個籃板,2 個助攻;4 號 麥瑋霖 攻入 13 分,5 個籃板,1 個助攻;
而 12 號 蔡鴻偉 交出 12 分,9 個籃板,1 個助攻;
13 號 何俊杰 亦交出 8 分,5 個籃板,1 個助攻。

 

 

 

 

 

 

 

 

 

 

 

 

DSC_4805

最後一擊:Warrior VS Invader

八月二日,U22既循環賽終於黎到尾聲。

DSC_4396DSC_4402DSC_4404DSC_4408DSC_4412DSC_4413DSC_4415DSC_4420DSC_4425

Warrior VS Invader,依場比賽,無輪輸贏,Warrior都將會係名次上排第四,而Invader就會獲得決賽資格。

DSC_4429DSC_4431DSC_4435DSC_4436DSC_4438DSC_4441DSC_4442DSC_4443

依場比賽,對雙方球員黎講都可以話係毫無壓力。因此,賽前吳sir亦指出球員係今仗比賽,應可全力發揮自己既實力。

DSC_4456DSC_4460DSC_4467DSC_4475DSC_4479DSC_4485DSC_4501DSC_4506

比賽大半場,雙方球員都咬得非常緊湊,直到第三節未段,Invader憑住快攻及三分球,將比數稍為拉大至八分。去到第四節後,Invader一度被Warrior追近比分,但係關鍵時刻下,Invader依然保持領先優勢。最後,Warrior再度敗於Invader手下,比數54:63。

DSC_4515DSC_4520DSC_4524DSC_4527DSC_4571DSC_4574DSC_4598DSC_4603

賽後問到吳sir對Warrior球員今場既睇法,佢表示今場波最主要係輸決心。己隊球員比起其他球隊都比缺對贏波既決心,加上隊友之間並未可以將溝通發揮得盡善,所以球隊因此輸波。吳sir指係整個聯賽入面,球隊最初既目標未能達成,主要是因為係循環賽次輪面對Hunter時,失準既表現。最後成績只得出1勝5負。

DSC_4634DSC_4638DSC_4654DSC_4661DSC_4689DSC_4775

吳sir最後留比Warrior球員既說話:「球員們仲好年輕,只係二十出頭,可能有時欠缺經驗或贏波決心。但唔緊要,最緊要可以以今年你地所得所學作借鑒,以後再努力改進自己。」

DSC_4805

————————————————————————————————-

Reporter Philo的寄語:

雖然依場比賽結果係輸波,但我終於見到我期待已久既畫面。Warrior既每一個球員,總算可以發揮到自己既水準,好好咁打完最後一仗比賽!多謝你地呀Warrior們!多謝你地帶埋我連場精彩好波!希望你地都可以繼續努力去強化自己!我地下年League再見喇!

安家仲獨取55分,U16 Shooter攻入決賽!

U16來到四強的半決賽,由Shooter近戰Floater。
一開段,Floarer各球員表現平均,各有貢獻,並帶領球隊領先第一節。
到第二節雙方比分緊貼,但憑Shooter的安家仲連攻入數球,結果使球隊反超,半場以37:33作結。
第三節中段,Shooter憑著一波三分雨,成功拉開比分,保持優勢到最後以91:74勝出,晉身決賽!

IMG_8087 IMG_8084 IMG_8082 IMG_8063 IMG_8062 IMG_8056 IMG_8053 IMG_8049 IMG_8043 IMG_8042 IMG_8041 IMG_8036 IMG_8033

2/8 聯賽文字精華

Nike League2013 初賽已經全部結束,各組別能夠晉身決賽之隊伍亦已塵埃落定,各隊為求出線,施展渾身解數。

率先有由易漢暉領軍的Destroyer火拚有梁兆華坐鎮的Cannon,兩隊球員為爭出線權,於場內份外拼命。上半場兩隊節奏明顯比平日快,而且雙方都靠內線不斷搶分,但Cannon球員憑著較穩定的發揮,於半場領先43:32。下半場,Destroyer明顯被箝制,進攻頻頻失利,加上易漢暉籃底表現失準,被Cannon有機可乘。Destroyer雖一度將比分縮窄至只有三分之距,但末段球員爭勝心切,頻頻犯規,不斷把Cannon球員送上罰球線,而Cannon亦把握機會以此拉開比數。最終Destroyer以60:71落敗,無緣晉身決賽。

而另一張決賽入場卷將由Tank對Missile賽事的勝方奪得,甫開賽,Missile已經接連攻入三個三分,氣勢如虹。之後繼續以外圍以及中距離投射拉開比分,Tank球員只以內線猛追,但仍於半場落後14分。經過中場休息以及調整戰略後,Tank球員於第三節開始進行反攻,成功將差距縮窄,於第四節戰況更為激烈,雙方數度追成平手。到關鍵時刻,Tank主將吳俊欣受四犯纏身,Missile隨即把握機會搏取罰球,最終Missile以70:76擊敗Tank,取得另一個決賽席位,Tank球員難掩失落離場。

男子十六歲或以下組別方面,先有Dagger硬撼Buzzer,雙方勢均力敵,分數差距一直維持於五分之內,於半場完結前,Dagger主將陳怡富更於中場射入壓哨三分助球隊反超前。換邊後,雙方繼續保持均勢、爭持不下,於第四節互有領先,Dagger以外圍投射及中距離猛追,而Buzzer亦而剷籃以及快攻繼續保持優勢。於關鍵時刻,Buzzer球員楊睿騏入一球兩分,於對隊嚴密防守下,再以一球中距離絕殺助球隊以66:68,殺入決賽。

而另一場賽事,則由Shooter以及Floater上演。上半場雙方一直咬緊,直至半場前,Shooter才以主將安家仲的罰球拉開差距。經過半場調整戰術後,Floater狀態明顯回勇,曾經追至只有三分差距,惜Shooter又以外圍投射再次拉開比分,Floater教練劉偉豪不得不馬上要求暫停,重新調整戰術。於第四節Floater再次以外圍投射以及快攻狂追,殺Shooter一個措手不及,但Shooter主將安家仲打出身價,快攻以及剷籃頻頻得手,最後Shooter以91:74邁進決賽,直指冠軍頭銜。Shooter主將安家仲更攻入全場全高55分,打破潘志豪塵封多年的個人單場最高得分紀錄。

8月2日賽果:

男子十九歲或以下 Destroyer 60:71 Cannon

男子十九歲或以下 Tank 70:76 Missile

男子十六歲或以下 Dagger 66:68 Buzzer

男子十六歲或以下 Shooter 91:74 Floater

男子二十二歲或以下 Warrior 54:63 Invader

男子二十二歲或以下 Hunter 74:71 Buster

Fotor080321651

Cannon四連勝 強勢殺入決賽-U19賽事

只在首仗落敗過的Cannon,與狀元易漢暉領軍的Destroyer在四強賽事中碰頭,Cannon帶著連勝三場的氣勢迎戰。

Fotor0803216518

 

第一節Cannon已經開盡火力,務求在對手未站穩陣腳下先給他們一個迎頭痛撃。賽事一開始以快打慢,加上外投均有進帳,於首節已經以18-30大幅領先Destroyer。第二節易漢暉多番在籃底得分,但Cannon憑著梁兆華和吳松峻各自攻入12分以32-41領先上半場。

Fotor080315345

 

下半場初段賽事呈膠著狀態,雙方得分均不多,Destroyer在第三節完時把比分追成45-51,只落後6分。Destroyer的吳嘉軒亦在第四節發力狂追,與易漢暉合力攻籃,曾在最後3分鐘追成58-61的接近比數。但之後無以為繼,最後即使吳嘉軒和易漢暉合共攻入41分仍無阻Destroyer以61-71敗陣,在四強出局。Cannon的吳松峻攻入全場最高24分,隊員梁兆華和張堯城亦分別攻入17和10分。Cannon決賽將會對著Missile。

Fotor0803214536

 

Cannon隊的余教練表示球隊今場表現有起跌,勝在有奇兵。今仗賽事的關鍵在於球隊的得分點多,後備球員即使上場數分鐘亦做到應做的工作;相反對手的對分點少,只需集中防守即可。他又特別稱讚大前鋒劉家賢,「他犯規次數少,貼身防守亦成功減低易漢暉的破壞力。」他說劉家賢已在學界賽中守了易漢暉六年之久,對對手波路有深的認識,對取勝非常有幫助。他希望球員能在決賽放鬆心情,以最佳狀態發揮到最高水準。

Fotor080314923

Fotor0803214537

IMG_6987

最後四秒,楊睿騏一球定勝負。

今日U16進行左兩場既四強戰,分別係Dagger VS Buzzer,以及Shooter VS Floater。
我會為大家報導第一場Dagger VS Buzzer,而Reporter-Kenny就會為大家報導Shooter VS Floater。
連羸三場、首名出線既Dagger今場既表現不及預期,係頭半場雙方進行拉鋸戰,Buzzer既士氣明顯比之前強、想羸既決心亦都大左。係第二節完既4s,Dagger隊長陳怡富係中場拎到波,零秒出手,最後入左,場內氣氛高漲,呢一球將Dagger同Buzzer既比數扯平。下半場,雙方不斷入波,最後一節既11s,Dagger球員剷籃將比數拉平,可惜,係最後既4s,Buzzer隊長楊睿騏一球中距離既Jumpshot,帶領Buzzer殺入總決賽。
總決實─ 十一點半 Buzzer VS Shooter
IMG_6995IMG_7022IMG_7028 IMG_7033IMG_7043IMG_7051 IMG_7053IMG_7067IMG_7074 IMG_7080IMG_7092IMG_7097 IMG_7110
預告:Reporter─Ching將會收錄整個Nike League既精華片段。請記住留意啦。

1/8 聯賽文字精華

比賽已經進入白熱化階段,能夠進入決賽之隊伍亦日漸清晰。各隊為求爭取決賽一席位,拚盡全力,賽事精彩萬分。

首場賽事由女子十九歲或以下組別上演,由狀元坐鎮的Tempest對戰Thunder。甫開局,Thunder球員已經進入狀態,第一節已經遙遙領先23:4。第二節Thunder球員乘勝追擊,Tempest一直處於捱打狀態,於半場完結前已被遠遠拋離至45:10。直到下半場,Thunder球員一直發揮穩定,Tempest於第三節雖有起色,可惜上半場大比數落後令球隊士氣低落,Thunder終以75:31,大敗Tempest。

第二場賽事繼續有Blaze火拚Storm,於昨日賽事中Blaze擊敗Thunder取得聯賽首捷,Storm球員因而不敢怠慢。甫開局,Blaze便打出一段8:0的攻擊,後來更憑著籃底以及罰球拉開比數,成功於第一節完結前以17:11領先。但第二節Storm突然收起正選球員,改為讓替補席球員輪流出場,但仍能以領先優勢進入下半場。下半場,Storm仍繼續收起部份正選球員,Blaze球員趁機以快攻及籃底猛追,成功於第三節完結前反超Storm。Blaze球員更越戰越勇,於第四節繼續擴大領先優勢,陣中球員廖詠心更打出身價,獲得雙雙佳績,最後帶領Blaze以50:38再次揚起勝利之旗。

緊接著連續四場男子十六歲或以下組別淘汰賽,率先由Dagger對上Jumper。小組賽以首名出戰的Dagger誓要盡顯皇者姿態、殺入決賽,於第一節就以快攻及中距離拉開比分,第二節發揮更為穩定,於半場完結前成功拉開差距,帶領著21分優勢進入下半場。Jumper雖於第三節狀態回勇,但上半場表現失準以及Dagger全場發揮較穩定,Dagger終以74:59,15分之差,殺入四強。陣中黃文康、韓天次、潘文豪以及陳怡富都得到雙位數得分。

第二場賽事則由Floater與Booster合力上演,雙方勢均力敵,不斷以底線及快攻得分,互有領先。一直到半場完結前,Booster球員袁兆慶為球隊連取六分,令球隊以五分優勢進入下半場。下半場甫開始,Booster球員已經試圖拉開比分差距,惜未能成功,更被Floater扳平。一直到第四節,Floater曾以八分落後,但一眾球員上下一心,誓要取勝。經過一輪窮追猛打後,於完場前十六秒終於追成平手,Floater球員於關鍵時刻搏得罰球但兩罰全失,幸好隊友搶得籃枝並再次搏得罰球,兩罰皆中,再由冼宇軒再以一球快攻奠定勝局。最後Floater以64:60,四分之差拿下Booster。

緊接有Shooter對上有狀元坐鎮的Flash,甫開局,Shooter球員已利用中距離及外圍投射將比數拉開,以25:8大幅拋離Flash。第二節Shooter更乘勝追擊,快攻頻頻得手,反觀Flash單靠勞浚明狂追,但半場仍以46:27落後。下半場Shooter球員更越戰越勇,遙遙領先,Flash處於捱打狀態,第四節雖有起色,可惜為時已晚,Shooter亦憑較穩定發揮以100:78,大勝Flash。陣中晏慕龍及安家仲分別取得38分以及33分的亮眼成績,協助球隊出線。

最後一場淘汰賽由Buzzer硬撼Swingman,第一節雙方打成平手,惜後者於第二節表現大為失色,全節只拿下14分,半場以8分落後。易邊後Swingman雖曾拉近至只有2分之差,惜Buzzer以一輪快攻再次拉開比分,一直保持著領先優勢。到第四節,Swingman終於進入狀態,惜為時已晚、大勢已去,無助球隊反超,Buzzer終以71:51輕取Swingman。Buzzer楊睿騏、鄭灝寧以及李駿軒皆取得雙位數得分,助球隊殺入四強。

壓軸戰則由Buster及Warrior上演,Buster於缺少主將鄧志恆下士氣有增無減。上半場快攻以及籃底建功,遙遙領先Warrior。Warrior球員不甘落後,於第二節以快攻及罰球猛追,成功於半場完結前將比分差距縮窄至三分。下半場雙方射手發揮出水準,於第三節最後三分鐘分數一直咬緊,戰況一直維持至第四節,Buster球員繼續發動一連串攻勢,反觀Warrior已無力招架,加上不斷有球員受傷離場,縱有徐遠成攻入25分,亦無阻Buster以81:73取得勝利。

8月1日賽果:

女子十九歲或以下 Thunder 75:31 Tempest

女子十九歲或以下 Blaze 50:38 Storm

男子十六歲或以下 Dagger 74:59 Jumper

男子十六歲或以下 Floater 64:60 Booster

男子十六歲或以下 Shooter 100:78 Flash

男子十六歲或以下 Buzzer 71:51 Swingman

男子二十二歲或以下 Buster 81:73 Warrior

IMG_4887

鬥智鬥勇鬥心:Warrior VS Buster

8月1日,U22既次輪分組賽事依然進行得如火如荼。

而係依一日,就有由徐遠成領軍既Warrior對住鄧志恆傷出既Buster。雖然Buster既重心球員鄧志恆因傷未能作賽,但係Buster既攻擊力依舊強勁。

IMG_4803IMG_4851IMG_4826IMG_4827IMG_4838IMG_4858IMG_4874IMG_4873IMG_4883IMG_4892

賽前,Warrior主教練吳sir指今場既期望係要求球員能夠贏返上場對Hunter時所輸既分。吳sir又指Buster雖然有鄧志恆傷出,但Buster火力依然強勁,所以Warrior球員們亦不應掉易輕心。

IMG_4896IMG_5121IMG_4901IMG_4903IMG_4914IMG_4916IMG_4918IMG_4920IMG_4925IMG_4931IMG_4935IMG_4937IMG_4947

比賽開段時,Buster已靠住快攻鏟籃將比分拉開,但Buster同時亦係第2及3節時不斷犯規及team foul,令到Warrior利用罰球一分一分咁從後趕上。到第三節完結前,Warrior以徐遠成既活躍表現,將比分追成55:57。直到第四節,雙方既進攻節奏明顯加快,比數係初段亦咬住上,而Buster更有兩位球員5犯離場。只可惜Warrior係最後階段,出現過多既turnover,而鍾家朗更係一分鐘之內接連有兩個犯規,最終五犯離場。結果,Buster再次拉開比分,以81:73小勝Warrior。

IMG_4951IMG_4965IMG_4970IMG_4995IMG_5016IMG_5035IMG_5151IMG_5193IMG_5195IMG_5213IMG_5258IMG_5270

———————————————————————————————-

Reporter Philo的寄語:

籃球係一種團體運動。就算強如Kobe Bryant,無左一班隊友或綠葉球員既陪襯,Lakers都唔會得到Final Champ。就好似Warrior既球隊一樣。今場我係場外所見,Warrior全隊似乎只有重心球員徐遠成一人打起成場波。快攻、籃板、助攻、鏟籃、射波,無一樣Adam係未做過。我相信所有Warrior既球員都係有心想去打好每一場波,但今場,無可否認地我的確有點失望。一人籃球對比團體籃球,邊個會有利d,我相信大家都清楚。成隊Warrior,每一個都係獨當一面有無限潛能可以爆發既好球員。既然聽日一役已經係你地既最後一場league既比賽,我希望你地都可以拋開所有包袱,用盡你全身既力氣去打返一場好好睇睇既波。我相信Warrior既球員一定可以好好發揮自己,希望明日一戰,可以見到係球場上閃亮耀眼既你地!Warrior,加油!

IMG_9588

掀起四強爭霸戰。

呢日係U16首輪淘汰賽已經有結果啦,一共有四場:Dagger VS Jumper、 Floater VS Booster、Shooter VS Flash、Buzzer VS Swingman。
第一場:Dagger VS Jumper
IMG_0019IMG_0021IMG_9473 IMG_9485IMG_9538IMG_9547 IMG_9604IMG_9583IMG_9606 IMG_9608IMG_9615IMG_9590IMG_9634IMG_9593 IMG_9635IMG_9636IMG_9644 IMG_9645IMG_9653
今場Dagger能夠把握好快攻既機會,頭半場Dagger大比數領先﹝40:19﹞,但後來,係第三節Jumper既球員奮起力追,將比數拉近至55:43。最後一節,兩隊相差12分,雖然Jumper球員博到盡,但依然都追唔到Dagger,Dagger最後以74:59將Jumper擊敗。
8月2日三點半,Dagger對Buzzer─四強
第二場:Shooter VS Flash
IMG_9732IMG_9733 IMG_9757IMG_9762IMG_9763 IMG_9764IMG_9776IMG_9784 IMG_9794IMG_9813IMG_9821
連羸三場既Shooter對住有狀元坐陣既Flash並無怯,反而遇強愈強。由第一場開始Shooter已經大比數拋離Flash,今場Shooter個個射波都好準,球球起手,球球入。呢場更加成為U16首場過三位數字既賽事,Shooter以100:78羸左。
8月2日五點,Shooter對Floater─四強
第三場:Swingman VS Buzzer
IMG_9918IMG_9927 IMG_9929IMG_9930 IMG_9940IMG_9941IMG_9943 IMG_9944IMG_9957IMG_9973 IMG_9992
Swingman 對 Buzzer,第一節雙方打成平手,但後來Buzzer愈打愈好,士氣大增,不斷入波將比數拉開,佢地半場以44:26領先。後來,Buzzer主力楊睿旗以及李駿軒不斷為球隊搶分,最後以71比51將Swingman淘汰。
8月2日三點半,Dagger對Buzzer─四強